Янгиликлар » Энциклопедия » А. Церебрал типдаги фалажликлар

А. Церебрал типдаги фалажликлар

  1. Олдинги марказий пушта тўла зарарланса, қарама-қарши томонда марказий гемипарез ёки гемиплегия, қисман зарарланса, марказий монопарез ёки моноплегия ривожланади. Ушбу пуштанинг оёқ проекцион соҳаси зарарланса, монопарез оёқда, қўл проекцион соҳаси зарарланса, монопарез қўлда ривожланади. Қарама-қарши томонда VII ва XII нервларнинг марказий фалажлиги ҳам кузатилади. Шунингдек, XI нерв спинал ядросининг марказий иннервацияси бузилиши ҳисобига,  қарама-қарши томонда елка пастга тушиб қолади.
  2. Олдинги марказий пушта қўзғатилса, у ҳолда қарама-қарши томонда мотор типдаги фокал хуружлар кузатилади. Бунга Жексон мотор хуружлари дейилади. Фокал хуружлар юз мускулларидан бошланса, демак патологик ўчоқ олдинги марказий пуштанинг пастки қисмида, оёқдан бошланса – пуштанинг устки қисмида жойлашган бўлади.   
  3. Ички капсула зарарланишида қарама-қарши томонда марказий гемипарез ёки гемиплегия ривожланади. Ички капсулада пирамидал йўллар зич жойлашиб ўтгани боис – текис гемипарез, олдинги марказий пуштада ёйилиб жойлашгани учун – нотекис гемипарез (қўлда кучлироқ, оёқда енгилроқ парез) кузатилади. Ички капсула зарарланишида кейинчалик Вернике-Манн ҳолати шаклланади. 
  4. Мия устуни зарарланишида алтернирлашган типдаги гемипарезлар ривожланади: ўчоқ томонда краниал нервларнинг периферик фалажлиги, қарама-қарши томонда марказий гемипарез. 



Ctrl
Enter
Хато топдизнигзми?
Матнни танланг ва Ctrl+Enter тугмачаларини босинг
МУҲОКАМАЛАР
Изоҳларнинг минимал узунлиги 50 та белгидан иборат. шарҳлар бошқарилади
Ҳеч қандай изоҳ йўқ. Сиз биринчи бўлишингиз мумкин!
Кликните на изображение чтобы обновить код, если он неразборчив
Топ рейтинг www.uz